طول بعادك
عن نجلاء البوادي
نجلاء سليمان البابطين. اسم الشهره (البوادى)، سعودية الأب. سودانية الأم والنشاه السكن ام درمان خريجة علم نفس تربيه الأحفاد. متزوجه وأم عضو فى الكثير المنتديات العربيه والسودانيه لدى ثلاثه دواوين فى مرحلة التجميع والتنقيح اتمنى ان ترى النور قريبا اكتب الخواطر و القصه ولكن توقفت كى اكرس جهدى لكتابه الشعر لانى احسه أكثر كتبت فى فى جائحة كورونا وفزت بالمركز الأول فى الاذاعه الطبيه كتبت فى الوطن والأم والأب ومعظم القضايا الاجتماعيه. تغنى لى العديد من الفنانين الشباب ولدى العديد من النصوص تحت التلحين
طول بعادك
وانت عارفني البعاد ما بحملو
طول سهادي
وما غفت عيني عنك بسألو
دروبي غطاها الاسى
وخطاوي الريده ليك بتوسلو
حزنت معاي كل الدروب
ماتت غناوي الفرحه فيها اتكدرو
لا عرفت من بعدك فرح
وقلبي المعذب بي هواك
ضاع وانجرح
طول غيابك
ولسه عشم الرجعه ما باين
يمكن نسيت زولا بريدك
بيك متعذب وهايم
سلم مفاتيح قلبه ليكا
عينيه بعدك ما بتعاين
يلا ارجع ليه ضمه
خلي يفرح بي رجوعك
يفرد ايديه ويحتويك
يحس بي فرح الدنيا كله
اوع تاني تفوت تسيبو
يطول اساه يزيد نحيبه
يلا اوعده قول لي لا لا
ما بفوتك تاني لا لا
يا صباحاتو وجديدو
ويا نعيمه ويا لهيبه
طول بعادك 💐
